Thursday, September 3, 2009

काही सुचत नाही तेव्हां


काही सुचत नाही तेव्हां
ढगांवर पडून रहावं
लाटालाटांनी पसरत
मस्त झिरपत रहावं

काही सुचत नाही तेव्हां
शब्द चिवडत रहावं
इंद्रधनुष्यावर बसून
रंगात न्हात रहावं

काहीच सुचत नाही तेव्हां
पंख लावून फिरावं
फुलपाखराकडे पाहून
स्वतःवरच हसावं

काही सुचत नाही तेव्हां
अंधार ओढून घ्यावा
रात्रीला विनवून थोडा
वेळ मागून घ्यावा

काही सुचत नाही तेव्हां
कवितेला जवळ घ्यावे
शेवटच्या पंक्ती आठवून
डोळे मिटून घ्यावे

Maitreyee
03.09.2009

5 comments:

विक्रम एक शांत वादळ said...

काही सुचत नाही तेव्हां
कवितेला जवळ घ्यावे
शेवटच्या पंक्ती आठवून
डोळे मिटून घ्यावे

nice keep it up

sachin... said...

mast aahe ekdam... classic! parwangi asalyas mi kaahi lines add karu shakato ka?

MeeMaza said...

Ultimate..

Amogh said...

This one is cool

सुर्यकिरण said...

खूप आवडली, स्पेशली ते 'रात्रीच' अन 'शेवटच्या ओळीं' चं कडवं.